Մի քիչ Հաց լիներ ու մի քիչ Գինի (ՀՐԱՉՅԱ ՍԱՐՈՒԽԱՆ)

Տեսանյութը՝ բանաստեղծ Տարոն Գլակի youtube-յան էջից:

Գրեթե երկու տարի առաջ որոշեցինք հաղորդումների շարք սկսել, ներկայացնել հայ գրականության մեծերին: Սուղ միջոցներով կարողացանք պատրաստել առաջին հաղորդումը:
Ներկայացրինք Հանրային հեռուստաընկերության կազմակերպած մրցույթին և ստացանք շարքային մերժողական պատասխան: Մինչ այդ էլ փորձել էինք կապվել նրանց հետ. ավաղ, յուրաքանչյուր անգամ հիասթափվում էինք ոչ այնքան մերժվելուց, որքան, պարզապես, այն անտարբերությունից, որին բախվում էինք: Այս ընթացքում, ինչպես գիտեք, պատկան մարմինների կողմից արձագանք էին ստանում այնպիսի ծրագրեր, ինչպիսին է «Հուզանք ու զանգ» — ը, մինչդեռ, մենք, երբ փորձեցինք կապվել մշակույթի նախարարության հետ, տպավորություն ստացանք, թե հայտնվել ենք ֆին. նախ.-ի ինչ-որ մասնաճյուղում:
Ինչևէ, սրանք տեխնիկական խնդիրներ են, որոնց առնչվել ենք: Ցավոք սրտի, «թայֆայական» մտածողությունը դեռևս արմատացած է մեր երկրում: Հեղափոխությունից հետո, այս առումով, շատ բան չի փոխվել. թերևս ժամանակ է պետք, որ փոխվի:
Մենք այդ ժամանակը չունենք. վիրավորական կլիներ այս աշխատանքը
«թթու դնել» և չներկայացնել հեռուստադիտողին: Արժևորողը միշտ էլ մարդն է, ժողովուրդը: Ինքներդ գնահատեք՝ ձեզ պե՞տք են նման ծրագրեր, թե՞ ոչ, մենք ուզո՞ւմ ենք ունենալ մշակույթ, թե՞ քոչվորային մտածողությունն այնքան խորն է թափանցել մեր մեջ, որ մոռացել ենք մեր ստեղծարար բնույթի մասին:

Տարոն Գլակ

Добавить комментарий

Ваш e-mail не будет опубликован. Обязательные поля помечены *